У мінулую нядзелю ў Петрыкаве прайшла XIII раённая спартакіяда сярод кіраўнікоў арганізацый, прадпрыемстваў і гаспадарак Петрыкаўшчыны.
На жаль, арганізаванае спаборніцтва не адрознівалася сваёй массавасцю, нягледзячы на тое, што рэгламент быў даволі просты: 2 абавязковыя дысцыпліны – дартс і стральба з пнеўматычнага пісталета – і спаборніцтвы па більярдзе ці настольным тэнісе на выбар.
На турнір прыбылі 9 прадстаўнікоў суб’ектаў гаспадарання раёна: 8 мужчын і 1 жанчына, таму ў спаборніцтвах сярод прыгожай паловы, як вы ўжо здагадваецеся, інтрыгі не было, але варта адзначыць: прадстаўніца аддзел ідэалагічнай работы, культуры і па справах моладзі райвыканкама Крысціна Браім пацясніла мужчын на п’едэстале і заняла ў агульным заліку трэцяе месца.
Другім быў Сяргей Талецкі, галоўны ўрач Петрыкаўскага РайЦГіЭ, а перамогу святкаваў дырэктар лясгасу Васіль Сачук.